आन्डामान आरो निक 'बार -आन्डामान आरो निक' बार स्तार्टआप पलिसि बायदियै, इउटि खुंथाय, आन्डामान आरो निक 'बार द्वीप जथाय जौगाथाय निगम लिमिटेड (ए. एन. आइ. आइ. डि. चि. अ'. लिमिटेड) नि गेजेरजों, स्तार्टआप इनकिउबेटर्स फसंनायाव मदद होनो थाखाय 1 कौटि रांनि मोनसे जागायजेन्नाय गोदानथि फान्ड बानायगोन. फान्ड कर्पासनिफ्राय मोन्नाय धोनखौ बे ओनसोलाव हेफाजाब होग्रानि जायगा जौगाहोनायावबो बाहायनाय जागोन.

आसाम -आसाम स्तार्टआप पलिसि बायदियै, रायजो सोरखारा आइ. आइ. टि., इनजिनियारिं फरायसालिमाफोर, मुलुगसोलोंसालिफोर, बाय 'टेकनल' जि पार्कफोर, आइ. टि. पार्कफोर, सोलोंथाय फसंथानफोराव इनकिउबेशन मिरुफोर गायसननो थाखाय बांसिन 5 कौटि रांनि सिमाजों लोगोसे बांसिन @75% दान होनो थांखि लादोंमोन.

अन्ध्र प्रदेश -अन्ध्र प्रदेशनि जागायजेननाय खान्थिनि बायदियै, हादोरारि बिगियान आरो बिरोंदामिन जौगाथाय बर्ड (एन. एस. टी. ई. डी. बी.) जों गनायथि होजानाय टी. बी. आई. नि ह 'स्ट फसंथानफोरा सोरखारि आई. टी. पार्कफोराव बुहुम-थाखोनि लाइभ-वर्क-प्ले सोरबिथिं सोरजिनो टी. बी. आई. आरो सोमोनदो गोनां सानज' थाय गायसननो थाखाय 90 बोसोरनि थाखाय हा आरो जायगाखौ लीजआव लानो ह 'मगौ जागोन.

बिहार - बिहार स्टार्टाआप पलिसि बादियै, हादोरसा सोरखारा बिरोंदामिन बिथा खालामनाय स्टार्टआप (IPR) गोसारहोनो थाखाइ भारत सोरखारनिफ्राइ मोन्नाय अनसुंथाइ एबा सेबी रेजिस्टार जानाय AIF निफ्राइ बेनि इनकिउबेटिफोरा मोन्नाय रां खाथायनायनि 3% हाराव हादोरसाया मदद खालामनाय इनकिउबेटरफोरनो खाजोना अनसुंथाइ होगोन आरो बिहाराव समाजारि खोन्दोआव सावस्रि, सोलोंथाइ आरो गोगो आदार बाइदि बाइदि बिथिङाव रायजारि सिबिखामानि बाहायनो हानायनि जेंना सुस्रांनायनि खाबु होनाय स्टार्टआपनि थाखाइ 5% हाराव अनसुंथाय होगोन। सोरखारा एखे सर्ट आरो खन्थियावनो 1:1 रुजुथाइयाव मालटिलेटारेल दनर एजेनसि आरो भारत सोरखारनिफ्राइ इकिउबेटरफोरा फान्द जथाइनायखौ गोरोबहोनो रांखान्थियारि मदद होगोन.

छत्तीसगढ़ -छत्तीसगढ़ स्तार्टआप पलिसि बायदियै, खमैबो बोसोरथामनि थाखाय कोर इनक्युबेटर-कम एक्सेलेरेटर फसंनो थाखाय मोनसे इन्नोवेशन फान्ड बानायनाय जागोन. बे धोनखौ दाथायारि सानज 'थाय आरो मावख' नि जायगा गायस 'ननो, सामलायनायनि खरसाखौ सहायनो, हादोर गेजेरारि, हादोरारि आरो ओनसोलारि हाबाफारिफोर खुंनायाव बाहायनाय जागोन.

गवा -गनायजानाय सोरखारि मुलुगसोलोंसालिजों गनायथि होजानाय गवानि गासिबो सोलोंथायारि फसंथानफोरा बे फसंथानफोराव मुं थिसनजानाय फरायसाफोरजों गायसनजानाय स्तार्ट-आपफोरखौ जौगाहोनायनि थांखिनि थाखाय गावसोरनि फसंथाननि सिङाव मोनसे इनकिउबेटार गायसन्नायनि थाखाय खाथायारि खरसानि थाखाय 10 लाख रांसिम मोनसे समनि थाखाय मदद मोननो हायो.

गुजुराट – इनकिउबेटरफोरा गुजुराट स्टार्टआप पलिसि एबा दारिमिन आरो खनि बिफाननि गेजेराव मोनसे सायख'राहा दं। उदायथि गोनां इनकिउबेटरफोरनो मोनसे समनि थाखाइ गासै फिक्स गुबै धोन खाथायनायनि 50% हाराव आरो गोबां गुबुन रेहायफोर होनाय जागोन.

हारियाना - हादोरसा स्टार्टआप पलिसिया हारियानानि गुबुन गुबुन खोन्दोआव खमैबो 22 बिरोंदामिन फालांगि इनकिउबेटर आरो एक्सिलारेटर फसंनो थाखाइ थांखि लायो.

हिमाचल प्रदेश -हिमाचल प्रदेश स्तार्टआप पलिसि बायदियै, सायख 'जानाय फसंथानफोरखौ इनकिउबेटार फसंनो आरो गुबुन हाबाफारिफोरनि थाखाय बोसोरथामनि थाखाय रांखान्थियारि हेफाजाब होनाय जागोन. बोसोरथामसिम मोनफ्रोमबो इनकिउबेट 'रनो 30 लाख रांनि बांसिन रांखान्थियारि मदद होनाय जागोन.

झारखन्ड -झारखन्ड स्तार्टआप पलिसि बायदियै, सोरखारि रां होनाय झारखन्डनि मुंदांखा आरो मुंदांखा फसंथानफोरखौ गिबि 5 बोसोरनि थाखाय इनकिउबेशन/गोदानथि मिरुफोर फसंनो थाखाय बोसोरफ्रोमबो 50 लाख रां होनाय जागोन.

कर्नाटक -कर्नाटक स्तार्टआप पलिसि बायदियै, रायजोनि मददआ थाम बोसोरनि समफारिनि थाखाय आइजें-आइलाफोर आरो खाबुफोर आरो टि. बि. आइ. नि सामलायनायनि गले गले जानाय खरसानि थाखाय गुदि रां खाथायगोन, दिन्थिफुंनायनि सायाव बिथा खालामनानै आरोबाव नै बोसोरसिम बारायनो हाथावना, जायनि जोबनायाव इनकिउबेटारफोरा गावखौ-थोजासे जानायनि मिजिं दं.

मध्य प्रदेश -मध्य प्रदेश स्तार्टआप पलिसि बायदियै, रोंग 'थि गोनां ह' स्ट फसंथानफोरखौ इनकिउबेट 'र गायस' ननो थाखाय थि बेसेननि रां थिसननायनि थाखाय बांसिननिफ्राय बांसिन 50% जौखोन्दो रां खाथायारि मदद होनाय जागोन, जाय मध्य प्रदेश सोरकारजों बांसिननिफ्राय बांसिन 50 लाख रां जागोन.

महाराष्ट्र– महाराष्ट्र स्टार्टआप पलिसि बादियै, इनकिउबेटर, एक्सिलारेटर, सीओई आरो फाहामग्रा कारखानाफोरनो फसंनाय/एबा सुबिदाफोरखौ बांहोनायाव जानाय खरसा आर गुबै रांफोरखौ लाफानानै मदद होनो थाखाइ महाराष्ट्र हादोरसा सोरखारा मोनसे लुथाइ फान्द फसंगोन.

मनिपुर – मनिपुर स्टार्टआप पलिसि बादियै, मनिपुर हादोरसा सोरखारा सेबी रेजिस्टार जानाय फालांगि केपिटेल/ मनिपुर बिथा स्टार्टआप प्राइभेट इकुइटिनिफ्राइ बेनि इनकिउबेटिफोरा मोन्नाय रां खाथायनायनि 2% हाराव इनकिउबेटरफोरनो जरखा खाजोना अनसुंथाइ होगोन. 

नागालेन्द – नागालेन्द स्टार्टआप पलिसि बादियै, हादोरसा सोरखारा इनकिउबेटरफोरनो आसोल धोन अनसुंथाइ महरै 25 लाख रांहालागि राङारि मदद होगोन.

अढिसा– अढिसा स्टार्टआप पलिसि बादियै, अढिसा हादोरसा सोरखारजों गनायथि जानाय सोलोंथाइयारि फसंथाना मोनसे समनि थाखाइ आसोल खरसानि 50% अनसुंथाइ (लुथाइनि खरसाखौ लाफानानै) बांसिनै 1 कौटि रांसिमहालागि इकिउबेटर सुबिदा फसंनो थाखाइ मोनगोन.

पुदुचेरि– पुदुचेरि स्टार्टआप पलिसि बादियै, इनकिउबेटर/एक्सिलारेटर, लोगोसे-मावफानाय जायगा, फेब, लेब, बाइदि बाइदि गायस'न्नायनि थाखाइ सायख'नाय बादियै दारिमिनारि दोहोन/ IT पार्कफोर थानायनि सायाव सोनारनानै स्टार्टआप सेलाव सोरखारा लांदां जायगा बानायगोन एबा हा रान्ना होगोन.

पानजाब– पानजाब स्टार्टआप पलिसि बादियै, खुंग्रा फसंथाननो इनकिउबेटर फसंनो थाखाइ बांसिनै 1 कौटि रांहालागि एफसीआई नि 100% आसोल दोहोन अनसुंथाइ होनाय जागोन.

राजस्थान– खुंग्रा फसंथाननो राजस्थान होदोरसा सोरखारा ओनसोलाव स्टार्टआप खुंथाइफोरनि थाखाइ आरो फालांगिरि जौगाखांहोनायनि थांखियै मोनसे समनि थाखाइ बांसिनै 50 लाख रांसिमहागि आसोल आइटेमफोरनि थाखाइ अनसुंथाइ मोनगोन.

तामिल नादु– तामिल नादु स्टार्टआप पलिसि बादियै, आरजाथाव थावनियाव तामिल दिसपोरानिफ्राइ एनआरआई फोरखौ लाफानै फालांगिरि/स्टार्टआपफोरनो 'स्टार्टआप पार्कफोर' गायस'न्नो थाखाइ 99 बोसोरनि थाखाइ एसेल' बेसेननि बन्धगाव हादोरसा सोरखारा हा रान्नानै होगोन.

टेलेंगाना – टेलेंगाना स्टार्टआप पलिसि बादियै, हादोरसा सोरखारा 1:1 रुजुथाइयाव गोरोबनाय अनसुंथाइ महरै भारत सोरखारनिफ्राइ इकिउबेटरफोरा फान्द जथाइनायखौ गोरोबहोगोन.

उत्तर प्रदेश -इउ. पि. स्तार्टआप पलिसि बायदियै ह 'स्ट फसंथानफोरखौ आई. टि. इन्फ्रास्ट्राकचार सेटआपनि थाखाय बांसिननिफ्राय बांसिन 50% जौखोन्दोनि केपिटेल ग्रान्ट होनाय जागोन, जाय बांसिननिफ्राय बांसिन 25 लाख रां जागोन. यु. पि. रायजो सोरखारा 2 बोसोरनि थाखाय सोलिबाय थानाय इनकिउबेटरनि गोहोखौ बाहायनायनि सिङाव फेहेरनायनि बेलायाव सोलिबाय थानाय इनकिउबेटरफोरखौ गोख्रों खालामनो थाखाय एखे सिमाखौ गनायथि होनाय जागोन.

उत्तराखान्द– उत्तराखान्द स्टार्टआप पलिसि बादियै, खुंग्रा फसंथाननो आइटि लुथाइ फसंनायनि थाखाइ बांसिनै 50% आसोल दोहोन अनसुंथाइ, बांसिनै 25 लाख आसोल रांसिमहालागि अनसुंथाइ 50 % आसोल दोहोन खरसा बांसिनै 1 कौटि रांहालागि इकिउबेटरफोरनो अनसुंथाइ होनाय जागोन.

सोनाब बेंगल– सोनाब बेंगल स्टार्टआप पलिसि बादियै, हादोरसा सोरखारा गावनि हादोरसायाव थानाय मुलुग सोलोंसालिनो मिरुवारि फालांगिरि जौगाथाइ मिरु (EDC) फसंनो 10 लाख रां होनाय जागोन.