आं, ड. वनिता प्रसाद, आर. ई. वी. वाई. एनवायरनमेन्टेल सल्युशनस प्राइबेट लिमिटेडनि गायसनगिरि। आंनि बिजिरसंनाया जेब्लाबो जुजिनांफोरखौ बिजिरसंनाय आरो गोदान गोदान राहा नागिरनायाव दं. जिखिजायामानो, फुंखाफोर आरो धोननि आंखालनि थाखाय, आं गोबाव समसिम आंनि सानदांथिफोरखौ लाखिना दोनबाय थादोंमोन. स्तार्ट-आपफोरखौ हेफाजाब होनो थाखाय भारत सरकारनि बिथांखिफोरनि बागै मिथिनो मोनखांनायनि उनाव, आं फालांगियारि दावबायनायखौ जागायनो थाखाय थुलुंगा मोनदों.
बे दावबायनायनि समाव, जों स्टार्ट-आप इन्डिया आरो इनभेस्ट इन्डियाजों गोबां आखाय हमथानाय मदद आरो गनायथि मोन्नो हादोंमोन. जोंनि खामानिखौ स्टार्ट-आप इन्डियाजों खुंजानाय 'खम गोहो आरो गाज्रि दै फाहामनायनि थाखाय बेसेनगोसा दिदोम राहाफोर' नि थाखोआव इन्ड 'इजराइल इन्नोवेशन चेलेन्जआव देरहागिरि महरै गनायनाय जादोंमोन, जाय जोंनि थांखिनि थाखाय मोनसे बुस्टार द' ज महरै खामानि मावदोंमोन. बे हेफाजाबनि सिङाव आं इजराइल दावबायहैनो आरो बिसोरनि गारनाय दै फोसाबनाय खाबुफोरखौ नायनो आरो इजरायली कम्पानिफोरजों आरोंदायारि हेफाजाब बानायनायनि खाबु मोनो, जायनि सायाव जों आथिखालाव खामानि मावगासिनो दं.
आरोबाव बे दावबायनायाव, स्वच्छ भारत मिशनखौ आबुं खालामनो थाखाय, जों बाय 'डिग्रेडेबल गारनाय, सिवेज आरो दारिमिनारि गारनाय मुवाफोरनि फोसाबनायावबो माखासे गोसो होदों, जाय भारतनि थाजिम दैनि फुंखाफोरखौ गाज्रि खालामगासिनो दं. जोंनि बे नाजानाया स्टार्ट-आप इन्डियाजों खुंजानाय गारनाय-दाखोन सामलायनायनि थाखोआव 'स्वच्छ भारत ग्रेन्ड चेलेन्ज' खौ देरहानो हेफाजाब होदों.
बेनि अनगायैबो, मोनसे जोबोद गोरोबनाय आरो मोजाङै जथायनाय स्तार्ट-आप सोरबिथिंनि हेफाजाबजों, जायखौ भारतआव हादोरनि फालांगियारि आरो गोदान दिहुनथाइखौ बांहोनो सरकारनि थांखिजों गोरोबनानै बानायनाय जादों, इनभेस्ट इन्डियानि इन्टिग्रेट टू इनोवेट (आई2आई) प्रग्रामआ जोंफोरखौ एक्सन मोबिलजों फोनांजाबनायाव मदद होदों. बे एखुथा हेफाजाब होनाया जोंनो दिहुनजानाय दैखौ फोसाबनायनि बांबोनाय गोनांथिखौ फोजोबनायाव मुलाम्फा जागोन लोगोसे जासिनायखौ फालांगियारि खालामनायाव मदद होगोन, बेनि बादायारि थाथायखौ जौगाहोगोन आरो लेगार खाजोना दिहुनगोन.
बेनि अनगायैबो, डी. पी. आई. आई. टी. सिनायथिनाय आरो दा गोबां खाजोना मुलामफाफोर, गोरलैसिन गनायनाय, आई. पी. आर. नि गोख्रै-ट्रेकिंआ थारैनो जोंनो गोख्रै हाराव देरनो आरो फेहेरनो हेफाजाब होदों. आथिखालाव, जों जोंनि मावखान्थिखौ बारायगासिनो दं आरो गुजरातनि सिङाव सौहैगासिनो दं आरो हादोरारि राहा जगायग्रा महरै बेखौ आरोबाव बारायहोनो सानथांखि दं. जोंनि नोजोरआ गोदान दिहुनथायनि थाखाय नाजानाय आरो जोंनि बायग्राफोरनो रांखान्थियारि महरै जाथावना, सोरबिथिं-मोजां आरो दिदोम राहा होनाय.
जोंनि फालांगियारि दावबायनायाव मदद, लामा दिन्थिग्रा आरो थुलुंगा होनायनि थाखाय स्तार्ट-आप इन्डियाया नोंखौ बाखनायदों!!”
ड. वनिता प्रसाद, गायसनगिरि आरो दिथागिरि
आर. इ. भि. वाइ. एनवारमेन्टेल सल्युशनस प्राइबेट लिमिटेड.
