ट्वीटर उप्पर साझा करो
निम्नलिखित दी कल्पना करो- तुस अपना उद्यम शुरू करदे ओ, कारोबार च मती गति हासल होंदी ऐ, ते तुस इक ऑल-स्टार टीम लेई औंदे ओ जेह्ड़ी तुसेंगी अपने स्टार्टअप बनाने च मदद करग. उंदी सेवाएं दे बदले च तुस उनेंगी कम्पनी दा किश हिस्सा देने दी सोचदे ओ. पर इक्विटी दा मतलब के ऐ?
इक्विटी” शब्द गी समझने दा सबतूं आसान तरीका ऐ इसगी पाई दे रूप च सोचना. पाई दे सीमित टुकड़े गै होंदे न जिनेंगी बंडने ते साझा कीता जाई सकदा ऐ. पाई दे हर टुकड़े दी कीमत बधदी जांदी ऐ जिन्ना तुंदा धंधा होर बी सफल होंदा जा करदा ऐ. जेकर तुस स्टार्टअप दे मालिक ओ तां तुंदे कोल पाई (इक्विटी) दा 100% हिस्सा ऐ. जेकर तुस चांदे ओ के तुंदा स्टार्टअप होर बी कीमती बनी जा तां तुसेंगी पाई दे किश टुकड़े जब्त करने लेई तैयार होना लोड़चदा ऐ. अपने स्टार्टअप च हर इक गी खुश रखने ते अपने कारोबार दी स्वामित्व बरकरार रखने लेई, इक्विटी वितरण दी योजना गी कुशलता कन्नै बनाना ते एह् सुनिश्चित करना जरूरी ऐ जे कानूनीताएं दा पैह्ले दिनै थमां गै ध्यान रक्खेआ जा.
इक्विटी गी होर समझने लेई इत्थें इस विषय च गहरी गोता लाया गेदा ऐ.
स्टार्टअप इक्विटी किस गी मिलदी ऐ?
अपने स्टार्टअप दे बारे च तुसेंगी समझने दा सबतूं मता जरूरी पहलू एह् ऐ जे कुन सारे तुंदी स्टार्टअप इक्विटी दे काबिल न. जेकर तुस इकलौते संस्थापक ओ तां तुसेंगी 100% इक्विटी रखने दा मौका मिलदा ऐ. जेह् ड़े लोक तुंदे स्टार्टअप च समां, मेहनत ते पैसा निवेश करदे न ओह् गै न जिंदे कन्नै तुसेंगी अंततः इक्विटी बंडना पौंदा ऐ. आओ दिक्खने आं जे ओह् कुन न.
सह-संस्थापक ने दी
जेकर तुंदे कोल इक सह-संस्थापक जां मते सारे सह-संस्थापक न तां एह् निर्धारत करना जे इक्विटी गी पार्टियें च किस चाल्ली बंडना चाहिदा ऐ, एह् इक महत्वपूर्ण फैसला ऐ.
दोस्त या परिवार
जेकर तुसें अपने दोस्तें जां परिवार थमां आर्थिक सहायता हासल कीती ऐ जिंदे कोल तुंदे कारोबार च भविक्ख च मता हस्तक्षेप होई सकदा ऐ तां एह् फैसला करना जरूरी ऐ जे तुस उनेंगी अपनी कंपनी दा हिस्सा देना चांह्दे ओ जां नेईं.
तृतीय पक्षें थमां जल्दी निवेश
निवेशक ऐसे लोक जां संगठन न जेह् ड़े मुनाफे हासल करने दी उम्मीद कन्नै माली योजनाएं , संपत्ति बगैरा च पैसे पांदे न. निवेशक बेहतर आरओआई हासल करने लेई तुंदे स्टार्टअप च पूंजी निवेश करदे न, ते जेकर तुंदा स्टार्टअप बधदा जा करदा ऐ ते बेहतर आमदनी आह् ला ऐ तां निवेशकें गी इसदा फायदा हासल करना लाज़मी ऐ.
होर हितधारकें गी
तुंदी स्टार्टअप इक्विटी आस्तै होर सरबंधत हितधारक सलाहकार बोर्ड दे सदस्य जां उद्योग दे माहिर होई सकदे न जेह् ड़े तुंदे स्टार्टअप गी रणनीतिक दिशा प्रदान करदे न. एह् ओह् पार्टियां न जि’नेंगी अक्सर बदले च अपनी सेवाएं आस्तै इक्विटी कन्नै मुआवजा दित्ता जंदा ऐ.
तुंदे स्टार्टअप च होर बी स्टेज न जित्थें तुसेंगी अपने बिजनेस थमां हिस्सेदारी देनी पौंदी ऐ. सीरीज ए, बी, सी बगैरा फंडिंग दौर च अक्सर हितधारकें गी इक्विटी दा हस्तांतरण शामल होंदा ऐ.
इक्विटी च निवेश करना किस चाल्ली शुरू कीता जा ?
इक्विटी दे अपने हिस्से गी बंडने दे कम्मै च प्रतिबद्ध होना इक बड्डा फैसला ऐ. इस करी इस च बड़ी सोच, विचार ते योजना कन्नै दाखल होना चाहिदा. इत्थें तुस किस चाल्ली शुरू करी सकदे ओ.
अनुशासित होओ ते योजना बनाओ
हालांकि एह् जीवन कोच दी सलाह दे रूप च लगदा ऐ, पर इक संस्थापक दे तौर उप्पर तुसेंगी इक योजना जां रोडमैप चाक करने दी लोड़ ऐ तां जे महत्वपूर्ण लोकें गी चिन्नत कीता जाई सकै जेह्ड़े तुंदी कंपनी दे इक्विटी होल्डर होई सकदे न. जेकर तुस पैह्ली बारी निवेशक जां कोई मार्गदर्शक दी तलाश च ओ जेह्दे च तुंदा हित होऐ तां बेहतर ऐ जे तुस अपने अल्पकालिक ते लम्मी अवधि आह्ले लक्ष्यें उप्पर बराबर ध्यान देओ.
ट्रैक रखो
किश उद्यमी सिर्फ निवेशकें गी इस कारोबार कन्नै परिचित कराने दे विचार कन्नै गै बस्सी सकदे न ते फिरी इस गल्लै गी भुल्ली जंदे न. पर, इक नौसिखिया उद्यमी दे तौर उप्पर तुसेंगी अपनी इक्विटी शेयरहोल्डिंग दा ट्रैक रखने दी लोड़ ऐ ते शेयरें गी सोचियै बंडने दी लोड़ ऐ.
अपनी खुद दी रिसर्च करो
पैह् ली बारी कारोबार करने आह् ले होने दे नाते, अपने उद्यम लेई निवेशक ते शेयरधारकें दी तलाश करने थमां पैह् ले इक सुरक्षत रस्ते पर चलना ते अपनी खुद दी शोध करना जरूरी ऐ. इक्विटी बाजार किस चाल्लीं बहदा ऐ इसदे बारे च व्यापक शोध करना ते जरूरत पौने पर माली सलाहकार थमां मदद लैना सार्थक ऐ.
अपने निवेश च विविधता लाओ
अपने सारे अंडे इक टोकरी च नेईं रक्खो - निवेश करने दी गल्ल आवै करदी ऐ तां नियम प्रासंगिक ऐ. अपने पोर्टफोलियो गी अपडेट ते बधाने लेई होर मते फायदेमंद निवेश विकल्पें दी तलाश करना जरूरी ऐ.
निचली रेखा
इत्थूं तगर जे, इक्विटी बंड दे सबनें थमां निक्के नियम गी समझने ते अपने आप गी मौजूदा बजार दी स्थिति दे बारे च शिक्षित करने कन्नै, तुस अपने आप गी अपने स्टार्टअप गी बधाने च सफलता दा मता मौका देआ करदे ओ.
अगला कदम ? ठीक-ठीक फैसला करो कि तुस किस गी इक्विटी देना चांह् दे ओ. एह् उसलै आसान होई जंदा ऐ जिसलै तुस समझदे ओ ते अपनी इक्विटी गी सही लोकें कन्नै सांझा करने दी दिशा च ओह् पैह्ला कदम चुक्कदे ओ. जेकर तुस इक स्टार्टअप ओ जेह् ड़े बक्ख-बक्ख विकास दे मौकें दी तलाश च ओ तां स्टार्टअप इंडिया प्लेटफार्म आसेआ दित्ते गेदे अनगिनत फायदें दी तलाश करो। अपने स्टार्टअप गी डीपीआईआईटी (उद्योग ते आंतरिक व्यापार गी बढ़ावा देने आस्तै विभाग) कन्नै रजिस्टर करो ते मदद आस्तै पर्याप्त फायदे हासल करो अपने स्टार्टअप पैमाने पर.
