कीटें दा आक्रमण : परंपरागत रसायनिक तरीके व्यावहारिक नियंत्रण प्रदान करने च असफल रौंह्दे न , जिस कन्नै कीड़े-मकोड़े दा अनियमित विस्तार ते फसल दा नुकसान होंदा ऐ.

उपज च कमी: समकालीन खेतीबाड़ी प्रथाएं गी अपनाने दे बावजूद करसानें गी पिछली पीढ़ियें दे मुकाबले पैदावार च उल्लेखनीय गिरावट दा अनुभव होंदा ऐ. आयातित रसायनिक कीटनाशकें उप्पर मता भरोसा होने करी इस आर्थिक तनाव गी होर बी बधाया गेआ ऐ, जिसदे चलदे भारत नै इनें उत्पादें दी कीमत तकरीबन 13 हजार 4 सौ करोड़ रपेऽ दा आयात कीता ऐ.

आर्थिक प्रभाव : रसायनिक कीटनाशकें दी उच्च लागत, उंदी घटदी प्रभावशीलता कन्नै मिलियै, फसल दी पैदावार च तदनुसार बधाने दे बगैर कीड़े प्रबंधन पर खर्चे च बाद्दा होंदा ऐ. आयातित रसायनिक कीटनाशकें उप्पर मता भरोसा होने करी इस आर्थिक तनाव गी होर बी बधाया गेआ ऐ, जिसदे चलदे भारत नै इनें उत्पादें दी कीमत तकरीबन 13 हजार 4 सौ करोड़ रपेऽ दा आयात कीता ऐ.

पर्यावरण दी चिंताएं : रसायनिक कीटनाशकें दे इस्तेमाल कन्नै मिट्टी दे सूक्ष्मजीव ते जीव-जंतुएं पर नकारात्मक असर पौंदा ऐ , जैव विविधता च कमी औंदी ऐ , ते फायदेमंद कीड़े-मकोड़े आस्तै विषाक्तता दा खतरा पैदा होंदा ऐ. एह् पर्यावरण दी क्षति लम्मी अवधि आह्ली मिट्टी दी सेह्त ते खेतीबाड़ी स्थायित्व गी प्रभावित करदी ऐ.

जलवायु परिवर्तन : जलवायु परिवर्तन दे अप्रत्याशित प्रभावें कन्नै खाद्य उत्पादन गी होर बी खतरा पैदा होंदा ऐ , जिस कन्नै परंपरागत खेतीबाड़ी तरीकें गी तेजी कन्नै असहनीय बनाई दित्ता जंदा ऐ. करसानें गी बदलदे मौसम दे पैटर्न कन्नै अनुकूल होने च चुनौतियें दा सामना करना पौंदा ऐ, जेह्दे कन्नै कीड़े-मकोड़े दे मुद्दे होर बी बधी सकदे न ते फसलें दी पैदावार च कमी आई सकदी ऐ. बेंगलुरू जनेह् शैह् री इलाकें च शैह् री कचरे दे प्रबंधन दे मुद्दे, चुनौतियां बक्ख-बक्ख न पर उतनी गै दबाव आह्लियां न.

जैव कीटनाशक : एह् बड्डे खेतीबाड़ी कीड़े-मकोड़े दे प्रबंधन आस्तै इक पर्यावरण अनुकूल ते प्रभावी समाधान देने आस्तै बनाया गेआ ऐ. विशिष्ट कीड़े जि’यां कपास ते एरेकनट सफेद जड़ें दे ग्रुब ते कॉफी सफेद तना बोरर गी निशाना बनाइयै एह् परंपरागत रसायनिक कीटनाशकें दा इक टिकाऊ विकल्प पेश करदा ऐ. एह् उत्पाद न सिर्फ फसलें गी कीड़े-मकोड़े थमां बचाने च मदद करदा ऐ सगुआं हानिकारक रसायनें उप्पर निर्भरता गी घट्ट करियै पर्यावरण दी सेह्त गी बी बढ़ावा दिंदा ऐ.

जैव खाद: साढ़ा जैव खाद जरूरी सूक्ष्म पोशक तत्वें कन्नै समृद्ध ऐ ते खास तौर उप्पर टमाटर ते अनार जनेह् फसलें आस्तै तैयार कीता गेदा ऐ. एह् मिट्टी दी उर्वरता गी बधांदा ऐ ते पौधें दी सेह्त गी बढ़ावा दिंदा ऐ , जिस कन्नै पैदावार च सुधार ते उच्च गुणवत्ता आह्ली पैदावार होंदी ऐ. सूक्ष्मजीवें दी प्राकृतिक क्षमताएं दा फायदा लैंदे होई साढ़ा जैव खाद स्थाई खेतीबाड़ी ते लम्मी अवधि आह्ली मिट्टी दी सेह्त च मदद करदा ऐ.

विघटनकारी: साढ़ा विघटनकारी उत्पाद ठोस कचरे दे प्रभावी प्रबंधन ते मिट्टी समृद्धि आस्तै डिजाइन कीता गेदा ऐ. एह् कार्बनिक पदार्थें दे तेजी कन्नै सड़ने च मदद करदा ऐ , जेह्दे कन्नै कचरे गी कीमती खाद च बदली दित्ता जंदा ऐ जेह्दे कन्नै मिट्टी दी सेह्त च सुधार कीता जाई सकदा ऐ. एह् उत्पाद खेतीबाड़ी कचरे दे प्रबंधन ते मिट्टी दी जैविक सामग्री गी बधाने आस्तै आदर्श ऐ.