उद्घाटन सत्र च भारत च स्टार्टअप पारिस्थितिकी प्रणाली दी दक्षता च होर सुधार करने लेई उद्यमी, उद्योग, शिक्षा, सरकार ते निवेशकें जनेह् बक्ख-बक्ख हितधारकें बश्कार सहयोग दी लोड़ उप्पर प्रकाश पाया गेआ. इस सत्र च बिमस्टेक दे सदस्य राज्यें बश्कार अपने स्टार्टअप पारिस्थितिकी प्रणाली गी होर विकसित करने लेई अभिसरण ते सहयोग दे महत्व उप्पर बी ध्यान दित्ता गेआ

वर्चुअल स्टार्टअप शोकेस दी मेजबानी दो दिनें लेई समिट प्लेटफार्म पर कीती गेई. एह् पूरे भारत दे कन्नै-कन्नै बिमस्टेक दे सदस्य राज्यें दे अनुकरणीय ते नमें स्टार्टअप दी प्रदर्शनी ही. आभासी शोकेस ने स्टार्टअप गी अपने उत्पादें ते सेवाएं दी प्रदर्शनी लेई इक इकाई वैश्विक मंच ते पारिस्थितिकी प्रणाली दे मुक्ख हितधारकें कन्नै कनेक्ट होने ते नेटवर्क बनाने दा मौका दित्ता.

इस सत्र च मजबूत स्टार्टअप पारिस्थितिकी प्रणाली गी पोशित करने पर वैश्विक बेहतरीन प्रथाएं उप्पर ध्यान दित्ता गेआ जेह्दे कन्नै बिमस्टेक दे सदस्य राज्यें समेत बक्ख-बक्ख काउंटियें च अपनाए जा करदे बक्ख-बक्ख पैह्लुएं बारै जानकारी दे आदान-प्रदान च मदद थ्होई. इस च मकामी नवाचारें गी पोशित करने च समर्पित स्टार्टअप नीति दी भूमिका गी बी उजागर कीता गेआ.

इस सत्र च महिला उद्यमीएं, जेह्ड़ी अपने-अपने क्षेत्रें च बदलाव आह्नने आह्लियां ते अगुवाई करदियां न, उनें अनुकूल नीतियें दे राएं महिलाएं दे उद्यमिता गी बढ़ावा देने दी लोड़ उप्पर चर्चा कीती जेह्दे कन्नै महिला उद्यमीएं दी अनछुआ योग्यता ते बेह्तरीन क्षमता गी लामबंद कीता जाग.

बिमस्टेक दे सदस्य राज्यें दे प्रमुख विशेषज्ञ/स्टार्टअप संस्थापक अपने अनुभव गी सांझा करने ते युवा दिमाग गी इस गल्लै पर मार्गदर्शन करने लेई इकट्ठे होई गे जे किस चाल्लीं इक विचार गी अवधारणा दे सबूत च बदलेआ जा, जिस च लक्ष्य दर्शकें ते ग्राहकें दी प्रतिक्रिया दे आधार उप्पर विचार गी अनुकूलित करने दी लोड़ शामल ऐ.

इस सत्र च स्टार्टअप्स गी अपने आप गी विकास प्रक्षेपवक्र उप्पर लाने लेई अंतर्राश्ट्रीयकरण उप्पर जोर देने कन्नें इक मजबूत गो-टू-मार्केट रणनीति दी घटकें उप्पर ध्यान दित्ता गेआ.

वर्चुअल स्टार्टअप पिचिंग सत्र दा मकसद फंडिंग दे स्रोतें तगर पुज्ज ते विश्व स्तरीय निवेशकें गी पिच करने दा मौका उपलब्ध करोआइयै स्टार्टअप आस्तै मूल्य पैदा करना हा. स्टार्टअप्स गी निवेशकें दे पैनल थमां न सिर्फ उंदी निष्पादन रणनीति ते विकासात्मक रोडमैप बारै प्रतिक्रिया हासल होई सगुआं वित्तपोषण, बिक्री, ते मार्केटिंग दे कन्नै-कन्नै बजार च प्रतिस्पर्धी धार बनाने बारै बी प्रतिक्रिया हासल होई.

इस सत्र च बक्ख-बक्ख मुल्खें दे इनक्यूबेटरें बश्कार बक्ख-बक्ख दृष्टिकोणें बारै चर्चा दे ज्ञान बंड उप्पर ध्यान दित्ता गेआ. इस च इनक्यूबेटरें गी समर्थन देने लेई सरकारें आसेआ अपनाई गेदी पैह्लकदमियें ते गतिविधियें ते सफल इनक्यूबेशन कार्यक्रमें दे प्रबंधन दी जरूरी चीजें गी बी उजागर कीता गेआ.

इस सत्र च भारत ते होरनें राष्ट्रें च असल जिंदगी दी समस्याएं गी दूर करने च समाजी नवाचारें दी भूमिका ते असर गी कवर कीता गेआ. पैनल च उनें स्टार्टअपें दी सफलता दी कहानियां बी सांझी कीतियां जेहड़े समाजी चुनौतियें ते उनेंगी हल करने लेई लोड़चदे नमें जतनें बारै जागरूकता पैदा करा‘रदे न.

इस सत्र च चर्चा च खरीददारी दे मामले च स्टार्टअप लेई उपलब्ध इक गै, बक्ख-बक्ख रस्ते गी दूर करने लेई बजार च उपलब्ध बाधाएं ते साधनें गी समझने उप्पर ध्यान दित्ता गेआ. इस च स्टार्टअप थमां सार्वजनिक खरीद च सहूलियत लेई कीती गेदी बक्ख-बक्ख सरकारी पैह्लकदमियें बारै बी जानकारी दित्ती गेई.

मार्की ग्लोबल स्पीकर इक उद्यमी दे तौर उप्पर अपने सफर दे बारे च गल्ल करदे न. इस सत्र च मती सारी चुनौतियें दे सामने ग्रिट ते दृढ़ संकल्प दी जीत दा जश्न मनाया गेआ, जिस च स्टार स्पीकरें सफलता हासल करने लेई गणना कीते गेदे जोखिम लैने दे अपने असली जीवन दे अनुभवें थमां बखान कीता. वक्ताएं भारतीय स्टार्टअप इकोसिस्टम लेई अग्गें बधने दे रस्ते बारै बी अपने इनपुटें दा खुलासा कीता.

गोलमेज सम्मेलन च भारतीय स्टार्टअप लेई वैश्विक पूंजी जुटाने ते वैश्विक उद्यम फंडें लेई कारोबार करने च सहूलियत गी बढ़ावा देने उप्पर ध्यान दित्ता गेआ. इस सत्र च सब्बनें बड्डे भारतीय नियंत्रक, नीति निर्माता, मंत्रालय दे लीड्स ते अमरीका, जापान, कोरिया, सिंगापुर थमां ग्लोबल वीसी फंडें दे कन्नै-कन्नै भारतीय ग्लोबल फंड मैनेजर बी हिस्सा लैता.

एह् सत्र स्टार्टअप इंडिया इनिशिएटिव तैह्त कीती गेदी गतिविधियें दे पुनर्मापन दे इर्द-गिर्द घूमदा हा. डीपीआईआईटी दे कन्नै-कन्नै बक्ख-बक्ख राज्य सरकारें ते केंद्र सरकार दे मंत्रालयें आसेआ कीते गेदे नवाचारें गी बी उजागर कीता गेआ जेह्ड़े देश च स्टार्टअप इकोसिस्टम दी तरक्की गी बढ़ावा देने लेई जरूरी रेह् न.

पैनल चर्चा च विशेश राज्यें आस्सेआ कीते गेदे अग्रणी कम्में ते राज्यें दे स्टार्टअप चैप्टरें दे मुक्ख चालकें उप्पर प्रकाश पाया, ते कन्नै गै इनें राज्यें दे वांछित नतीजें गी हासल करने च बेहतरीन तरीकें ते अपने-अपने राज्यें च उद्यमिता गी बढ़ावा देने लेई अग्गें बधने दे रस्ते उप्पर बी चर्चा कीती गेई.

इक पैनल चर्चा भारतीय स्टार्टअप पारिस्थितिकी प्रणाली गी बड्डी उंचाई आह् ली बक्खी लेई जाने ते इक मजबूत स्टार्टअप पारिस्थितिकी प्रणाली आस्तै क्षमता निर्माण दी लोड़ आस्तै सुधारें ते हस्तक्षेपें दे अगले सेट दी पन्छान करने च लगेआ.

यूनिकॉर्न स्टार्टअप दे नेताएं कन्नै कीती गेदी इस चर्चा च उंदे सफर, सिक्खने, सेक्टरी अंतर्दृष्टि ते भारतीय यूनिकॉर्न दे अगले सेट ते बड्डे पैमाने पर स्टार्टअप इकोसिस्टम लेई उंदे दृष्टिकोण गी पेश कीता गेआ.

इस सत्र च गल्लबात च प्रभाव निवेशें लेई इक राश्ट्री रणनीति लेई प्रासंगिकता ते समर्पित सरकारी फंडें ते योजनाएं दे राएं मुनाफे आह्ले समाजी उद्यम लेई विकास पूंजी दे महत्व बारै चर्चा कीती गेई. इस सत्र च सार्वजनिक ते परोपकारी खर्चें दी असरदारता च सुधार आस्तै नमें सिरेआ माली माडल दी बी खोज कीती गेई.

इस सत्र च वीसी, पीई, स्टार्टअप उद्योग दी सिफारिशें गी कवर कीता गेआ जेह्दा मकसद भारतीय स्टार्टअप लेई घरेलू पूंजी दी उपलब्धता च बाद्दा करना ऐ. होरनें चर्चाएं च स्टार्टअप ते एआईएफ च निवेश करने पर परिवार दे दफ्तरें, एचएनआई, कारपोरेट, इंडिया इंक ते कारपोरेट वीसी दी भूमिका ते दृष्टिकोण दे कन्नै-कन्नै स्टार्टअप ते विकास पूंजी पारिस्थितिकी प्रणाली दा अवलोकन बी शामल हा.

विद्यार्थियें दे उद्यमीएं गी समर्थन देने लेई शैक्षिक संस्थानें ते सरकारी संस्थानें आस्सेआ अपनाई गेदी पैहलकदमियें ते गतिविधियें गी इस सत्र च उजागर कीता गेआ, जिंदे च होर बी जोर दित्ता गेआ जे संस्थानें दे दौंऊ सेट किस चाल्ली नवोदित उद्यमीएं गी समर्थन देई सकदे न ते उनेंगी फलने-फूलने च मदद करी सकदे न.

इक चर्चा च उद्यमिता गी बढ़ावा देने लेई उद्योग-अकादमी साझेदारी दे सफल माडल (भारत ते विदेशें च) उप्पर केंद्रत कीता गेआ हा ते कन्नै गै उनें तकनीकें गी उजागर कीता गेआ जेह् ड़ियां शैक्षिक संस्थानें/आर एंड डी लैब थमां, बजार च, महामारी दे जवाब च, मते शा मते फायदे आस्तै सामने आईयां न पैमाना

इस सत्र च स्टार्टअप पारिस्थितिकी प्रणाली दे मुक्ख हितधारकें लेई इक बेहतर सक्षम बनाने आह् ला माहौल बनाने लेई प्रासंगिक बक्ख-बक्ख तंत्रें पर चर्चा कीती गेई, जिसदे कन्नै, परिपक्व स्टार्टअप पारिस्थितिकी प्रणाली दे बेहतरीन प्रथाएं गी अपनाइयै देशें दे बश्कार सहयोग दी अनुमति दित्ती गेई.

इस सत्र च भारतीय स्टार्टअपें लेई वैश्विक बजार तगर पुज्जने दी लोड़ उप्पर प्रकाश पाया गेआ- मुक्ख पैह्लकदमियां कीतियां गेइयां ते पाइपलाइन च न. एह्दे अलावा प्रमुख द्विपक्षीय कार्यक्रमें पर बी चर्चा कीती गेई जेह्ड़े भारतीय उद्यमीएं दी मदद लेई प्रतिनिधित्व करने आह्ले मुल्खें आसेआ शुरू कीते गेदे न.

इस स्पीकर सीरीज च भारत दी किश ताकतवर ते प्रभावशाली महिलाएं महिला उद्यमी दे तौर उप्पर अपने सफरें गी उजागर करदे होई पेश कीते गेदे मौकें दे पूर्वाग्रह ते चुनौतियें दा जिक्र कीता. भारत च महिला उद्यमीएं लेई नेटवर्किंग ते मार्गदर्शन दे मौकें लेई समर्थन गी उजागर करदे होई फंडिंग दी उपलब्धता बधाने दे संभावित तरीकें उप्पर बी चर्चा कीती गेई.

दो दिनें दे स्टार्टअप इंडिया अंतर्राश्ट्रीय शिखर सम्मेलन दे समापन दे तौर उप्पर माननीय प्रधानमंत्री श्री नरेंद्र मोदी होरें किश होनहार युवा उद्यमीएं कन्नै गल्लबात करने लेई अपनी मौजूदगी कन्नै इस शिखर सम्मेलन दी शोभा बधाई ते उनेंगी इस बश्कार होए दे संवाद दे मुक्ख मुक्ख मुद्दे बी पेश कीते गे दो दिनें दे इस शिखर सम्मेलन दे दौरान बक्ख-बक्ख वक्ताएं गी.