टैक्सें दियां किस्मां

टैक्स दौऊं बक्ख-बक्ख चाल्लीं दे होंदे न, प्रत्यक्ष ते अप्रत्यक्ष टैक्स. इनें टैक्सें गी वसूलने दे तरीकें च फर्क होंदा ऐ. किश दा भुगतान सिद्धे तुस करदे ओ जियां कि इन्कम टैक्स, वेल्थ टैक्स, कार्पोरेट टैक्स बगैरा जिस्सलै कि होर अप्रत्यक्ष टैक्स होंदे न जियां कि वैल्यू ऐडिड टैक्स, सेवा टैक्स, बिक्री टैक्स बगैरा.

1. प्रत्यक्ष टैक्स

2. अप्रत्यक्ष टैक्स

पर, इनें दऊं परंपरागत करें दे अलावा, एह् बी न दूए टैक्स जेह् ड़े केंद्र सरकार आसेआ इक खास एजेंडे दी सेवा करने लेई लागू कीते गेदे न. ‘होर कर’ प्रत्यक्ष ते अप्रत्यक्ष दौंऊ करें उप्पर लाए जंदे न जिआं हाल च गै शुरू कीते गेदे स्वच्छ भारत सेस कर, कृषि कल्याण सेस कर, ते बुनियादी ढांचे दा सेस कर ते होरनें दे अलावा.

1. सिद्धा टैक्स

प्रत्यक्ष कर, जि’यां पैह् ले आखेआ गेआ ऐ, ओह् कर न जेह् ड़े तुंदे आसेआ सीधे तौर पर दित्ते जंदे न. एह् कर सीधे कुसै इकाई जां कुसै व्यक्ति पर लाए जंदे न ते कुसै होर पर हस्तांतरित नेईं कीते जाई सकदे न. इनें प्रत्यक्ष करें गी नजरअंदाज करने आह् ली इक निकाय ऐ जेह् ड़ी केंद्रीय प्रत्यक्ष कर बोर्ड (सीबीडीटी) दा जो राजस्व विभाग दा इक हिस्सा ऐ. इसदे कोल, अपने कर्त्तव्यें च मदद करने लेई, बक्ख-बक्ख कम्में दा समर्थन ऐ जेह्ड़े प्रत्यक्ष कर दे बक्ख-बक्ख पैह्लुएं गी नियंत्रित करदे न.

इंदे चा किश कानून न:

· इन्कम टैक्स कानून:

इसी 1961 दे आईटी कनून दे रूपै च बी जान्नेआ जंदा ऐ ते एह् भारत च आमदन टैक्स गी लागू निर्धारित करदा ऐ. एह् टैक्स कनून, कारोबार, घर जां कुसै संपत्ति दा मालिकाना हक, तनखाह ते निवेश थमां होने आले फायदे बगैरा दे रूपै च कुसै बी चाल्लीं दी आमदन उप्पर लागू होंदा ऐ. एह् ओह् कनून ऐ जेड़ा तय करदा ऐ जे इक फिक्स डिपोज़िट जां जीवन बीमा प्रीमियम उप्पर टैक्स थमां किन्ना फायदा पुज्जग. एह् कनून इब्बी तय करदा ऐ जे तुस अपनी आमदन दा किन्ना हिस्सा निवेश राहें बचाई सकदे ओ ते इन्कम टैक्स दी स्लैब केह् होग.

· वेल्थ टैक्स कनून:

वेल्थ टैक्स कनून 1951 थमां वजूद च आया हा ते एह् कुसै व्यक्ति, कंपनी जां हिंदू संयुक्त परोआर दी कुल संपत्ति सरबंधी टैक्स लेई जिम्मेदार ऐ. वेल्थ टैक्स गिनने दा सौक्खा तरीका ऐ जे जेक्कर कुल संपत्ति 30 लक्ख रपें शा मते दी होग तां 30 लक्ख रपें शा बाद्दू 1% रकम टैक्स दे तौर उप्पर देनी होग. 2015 च घोषित बजट च इक खत्म करी दित्ता गेआ हा. अदूं थमां इस्सी उनें व्यक्तियें उप्पर 12% दी बाद्दू अदायगी कन्नै बदली दित्ता गेआ जिंदी सालाना आमदन 1 करोड़ रपें शा मती ऐ. एह् उनें कंपनियें उप्पर बी लागू होंदा ऐ जिंदा सालाना राजस्व 10 करोड़ रपें शा मता ऐ. नमें दिशानिर्देशें सरकार आस्सेआ किट्ठे कीत्ते जाने आले टैक्स दी रकम बदाई दित्ती ऐ कीजै उंदे आस्सेआ लागू कीत्ते गेदे वेल्थ टैक्स दा विरोध कीत्ता जाग.

· जीगिफ्ट टैक्स:

गिफ्ट टैक्स कनून 1958 च अस्तित्व च आया ते एह् आक्खेआ गेआ जे जेक्कर कुसै व्यक्ति गी तोह्फे दे रूप, पैसे जां कीमती समेआन मिले तां नेह् तोह्फें उप्पर इक टैक्स दा भुगतान कीत्ता जाग. नेह् तोह्फें उप्पर 30% टैक्स रक्खेआ गेआ पर 1998 च उसी समाप्त करी दित्ता गेआ. शुरू च जेकर कोई तोह्फा दित्ता जंदा हा ते ओह् संपत्ति, गहना, शेयर बगैरा जनेहा किश होंदा हा तां ओह्दे उप्पर टैक्स लगदा हा. नमें नियमें मताबक परोआर दे सदस्यें जियां कि भ्रा, भैह्न, माता-पिता, पति, चाचा-चाची आस्सेआ दित्ते जाने आले तोह्फें उपपर टैक्स लागू नेईं होग. इत्थै तक्कर जे मकामी अधिकारियें आस्सेआ तुसेंगी दित्ते गेदे तोह्फें गी बी इस टैक्स थमां छूट दित्ती गेदी ऐ. हुन टैक्स कियां कम्म करदा ऐ जे, छूट आली संस्थाएं दे अलावा कोई व्यक्ति तुसेंगी कोई तोह्फा दिंदा ऐ जेदी कीमत 50,000 शा मती ऐ तां उस तोह्फे दी पूरी कीमत दे उप्पर टैक्स लगग.

· खर्चें उप्पर लग्गने आला टैक्स कनून:

एह् कनून 1987 च वजूद च आया हा ते एह् तुंदे इक व्यक्ति दे तौर उप्पर इक होटल जां रेस्तरां दियें सेवाएं दा लाह् लैंदे होई खर्च कीत्ते गेदे पैसें उप्पर लगदा ऐ. जम्मू-कश्मीर गी छोड़ियै एह् पूरे भारत च लागू ऐ. एदे च आक्खेआ गेदा ऐ जे इस कनून तैह्त किश खर्चें उप्पर टैक्स लगग जेक्कर कुसै होटल जां रेस्तरां च होने आले सब्भै खर्च 3,000 रपें शा मते होन.

· ब्याज उप्पर लग्गने आले टैक्स सरबंधी कनून:

1974 दा ब्याज कर कनून किश खास स्थितियें च कमाए गेदे ब्याज उप्पर लगदा ऐ. कानून सरबंधी खीरी संशोधन च आक्खेआ गेदा ऐ जे एह् कनून 2000 मार्च दे बाद कमाए गेदे ब्याज उप्पर लागू नेईं होग.

हेठ सब्भनें चाल्लीं दे टैक्सें लेई किश मिसालां दित्तियां गेदियां न:

सिद्धे टैक्स दियां मिसालां

एह् किश सिद्धे टैक्स न जेड़े तुस अदा करदे ओ

a) आयकर:

एह् सब्भनें शा मता मश्हूर ते मुश्कलें समझ च औने आला टैक्स ऐ. एह् ओह् टैक्स ऐ जेड़ा इक माली बरे च तोआढ़ी सालाना कमाई उप्पर लाया जंदा ऐ. इन्कम टैक्स दे मते सारे पहलू न, जियां कि टैक्स स्लैब, टैक्स जोग आमदन, स्रोत उप्पर टैक्स कटौती (टीडीएस), टैक्स जोग आमदन च कमी बगैरा. टैक्स व्यक्तियें ते कंपनियें दौनें उप्पर लागू होंदा ऐ. लोकें आस्सेआ भरे जाने आला टैक्स इस गल्लै उप्पर निर्भर करदा ऐ जे ओह् किस दायरे च औंदे न. एह् ब्रैकेट जां स्लैब निर्धारित करदी ऐ जे सालाना आमदन उप्पर अदा कीत्ते जाने आले टैक्स किन्ना होग ते उच्च आय वर्ग लेई टैक्स नेईं भरने थमां लेइयै 30% टैक्स भरने तोड़ी दी श्रेणी दा बी निर्धारण करदा ऐ.

सरकार ने बक्ख-बक्ख समूहें दे व्यक्तियें, सामान्य करदाताएं, बुजुर्गें (60 थमां 80 उमरी दे बिच्च दे लोक, ते मते बुजुर्ग लोक (80 शा मती उमरी दे लोक).

b) कैपिटल गेन्ज़ टैक्स:

एह् इक नेहा टैक्स ऐ जेड़ा उस्सलै देय होंदा ऐ जिस्सलै तुसेंगी इक बड्डी रकम प्राप्त होंदी ऐ. एह् इक निवेश जां इक संपत्ति दी बिक्री कन्नै होई सकदा ऐ. एह् आमतौर उप्पर दौं चाल्लीं दा होंदा ऐ, 36 म्हीनें शा घट्ट निवेश लेई लघु अवधि आले 36 म्हीन पूंजीगत फायदे ते मते समें लेई लम्मी अवधि आले पूंजीगत फायदे . हर इक लेई लागू होने आला टैक्स बी बक्ख ऐ कीजै लघु अवधि आले फायदें उप्पर टैक्स दी गणना आमदन वर्ग च कीत्ती गेदी गणना दे आधार उप्पर कीत्ती जंदी ऐ ते तुस लम्मी अवधि आले 20% फायदे न. टैक्स दे बारै च ध्यानजोग ऐ जे फायदा म्हेशां पैसे दे रूप च निं होंदा ऐ. एह् उस चाल्लीं दा इक लैन-देन बी होई सकदा ऐ जिस स्थिति च विनिमय दे मुल्ल गी कराधान लेई मन्नेआ जाग.

c) सिक्योरिटी ट्रांजैक्शन टैक्स:

जेक्कर तुस शेयर बाजार च स्हेई तरीके कन्नै बपारा ते स्क्योरिटियें च बपार करना जांनदे ओ तां तोआढ़े लेई पर्याप्त मात्रा च पैसा कमाना कोई मुश्कल नेईं ऐ . एह बी इक आमदन दा स्रोत ऐ ब एदा अपना टैक्स ऐ जिस्सी स्क्योरिटी ट्रांसेक्शन टैक्स दे रूप च जान्नेआ जंदा ऐ . इस टैक्स गी शेयर दे मुल्ल च टैक्स गी जोड़ियै लाया जंदा ऐ. एदा मतलब ऐ जे हर बारी जिस्सलै तुस शेयर खरीददे जां बेचदे ओ, तां तुसें इस टैक्स दा भुगतान करदे ओ. भारतीय शेयर बजार च कारोबार करने आले सब्भनें सेक्युरिटियें उप्पर एह् टैक्स लग्गे दा होंदा ऐ.

d) अनुलाभ टैक्स:

सब चाल्लीं दे भत्ते जां विशेषाधिकार न जेड़े एम्पलायर कर्मचारियें गी देई सकदा ऐ अनुलाभ होंदे न. इनें विशेश अधिकारें च कंपनी आस्सेआ दित्ते गेदा घर जां तोआढ़े इस्तेमाल लेई कार शामिल होई सकदी ऐ जेड़ी कंपनी आस्सेआ दित्ती गेदी होऐ. एह् भत्ते सिर्फ कारें ते मकानें जनेह् बड्डे मुआवजें तोड़ी सीमित नेईं न सगुआं ओह् ईंधन, जां फोन बिल दे मुआवजे बी इंदे च शामिल न. जियां कंपनी आस्सेआ फायदें दा अधिग्रहण कीत्ता जंदा ऐ जां कर्मचारियें आस्सआ उनेंगी बरतेआ जंदा ऐ ओह्दे स्हाबै फैसला लैता जंदा ऐ जे एह् टैक्स कियां लाया जाग. कारें दे मामले च, कंपनी आस्सेआ दित्ती गेदी कार दा इस्तेमाल जेक्कर व्यक्तिगत ते आधिकारिक दौनें मकसद लेई कीत्ता जंदा ऐ तां ओह् टैक्स दे जोग ऐ पर जेक्कर एदा इस्तेमाल सिर्फ आधिकारिक प्रयोजनें लेई कीत्ता जंदा ऐ तां ओह्दे उप्पर टैक्स नेईं लग्गदा ऐ.

e) कार्पोरेट टैक्स:

कार्पोरेट टैक्स ओह् आयकर होंदा ऐ जेड़ा कंपनियें गी उंदे आस्सेआ पैदा कीत्ती गेदी आमदन थमां भगुतान कीत्ता जंदा ऐ. एह् टैक्स बी अपने स्लैब कन्नै औंदा ऐ जेड़ा एह् तय करदा ऐ जे कंपनी गी किन्ना टैक्स देना ऐ. मिसाल लेई, इक घरेलू कंपनी जेदी सालाना आमदन 1 करोड़ रपें शा घट्ट ऐ, गी एह् टैक्स देने दी जरूरत नेईं ऐ पर जेदी सालाना आमदन 1 करोड़ रपें शा बद्द ऐ उसी इस टैक्स दा भुगतान करना होग. इस्सी अधिभार दे रूप च बी जान्नेआ जंदा ऐ ते बक्ख-बक्ख राजस्व कोष्ठक लेई बक्ख-बक्ख होंदा ऐ. एह् अंतर्राश्ट्रीय कंपनियें लेई बी बक्ख ऐ, जित्थै कार्पोरेट टैक्स 41.2% होई सकदा ऐ जेक्कर कंपनी दी आमदन 10 मिलियन रपें शा घट्ट होऐ ते इयां गै.

कारपोरेट टैक्स दे चार बक्ख-बक्ख किस्म न. ओह् न:

· घट्टोघट्ट वैकल्पिक टैक्स:

घट्टोघट्ट वैकल्पिक टैक्स जां मैट मूल रूप कन्नै आयकर विभाग लेई कंपनियें थमां घट्टोघट्ट टैक्स वसूल करने दा इक तरीका ऐ जेड़ा हालिया समें च 18.5% ऐ. टैक्स दे इस रूप गी इंकम टैक्स कनून दी धारा 115JA तैह्त अमल च आन्नेआ गेआ हा. हालांकि, बुनियादी ढांचागत ते बिजली सैक्टर कन्नै जुड़ी दियां कंपनियां मैट दे भुगतान थमां मुक्त न.

इक बारी जिस्सलै कोई कंपनी मैट दा भुगतान करदी ऐ तां ओह् किश शर्तें तैह्त औने आले पंज बरें दी अवधि दौरान नियमित कर दे खलाफ भुगतान गी अगड़ा ते सेट-आफ (समायोजित) करी सकदी ऐ.

· फ्रिंज बेनिफिट टैक्स:

फ्रिंट बेनिफिट टैक्स जां एफबीटी इक नेहा टैक्स हा जेड़ा एम्पलायर आस्सेआ अपने कर्मचारियें गी दित्ते जाने आले हर फ्रिंज लाभ उप्पर लागू होंदा हा. इस टैक्स च नेकां पहलुएं गी शामिल कीत्ता गेदा हा. उंदे चा किश च शामिल न:

i) एम्पलायर आस्सेआ यात्रा (एलटीए), कर्मचारी कल्याण, आवास ते मनोरंजन उप्पर खर्च.

ii) एम्पलायर आस्सेआ कुसै नियमित आवाजाई जां ओह्दे कन्नै सरबंधत कीत्ता गेदा कोई खर्च.

iii) एम्पलायर आस्सेआ इक प्रमाणित रटैरमेंट फंड च योगदान.

iv) एम्पलायर स्टाक आप्शन प्लानज़ (ईएसओपीज़ी).

एफबीटी गी अप्रैल 1, 2005 थमां भारत सरकार दे स्टीवर्डशिप तैह्त शुरू कीत्ता गेआ हा. हालांकि, मगरा खजाना मंत्री प्रणब मुखर्जी हुंदे आस्सेआ 2009 केंद्री बजट इजलास दौरान टैक्स गी 2009 च रद्द करी दित्ता गेआ हा.

· डिवीडेंट दी बंड सरबंधी टैक्स:

डिवीडेंट दी बंड सरबंधी टैक्स 2007’ दे केंद्री बजट दे खीर मगरा पेश कीत्ता गेआ हा. एह् मूल रूप च कम्पनियें उप्पर लाए जाने आह् ला टैक्स ऐ जेह् ड़ा ओह् अपने निवेशकें गी दित्ते जाने आह् ले लाभांश दे आधार उप्पर लाया जंदा ऐ. एह् कर निवेशक गी अपने निवेश थमां हासल सकल जां शुद्ध आमदनी उप्पर लागू होंदा ऐ. हालिया समें च डीडीटी दी दर 15% पर ऐ.

· बैंकिंग कैश ट्रांज़ेक्शन टैक्स:

बैंकिंग कैश ट्रांज़ेक्शन टैक्स इक होर नेहा टैक्स ऐ जिस्सी भारत सरकार छोड़ी चुकी दी ऐ. एह् टैक्स 2005-2009 थमां चलदा आ दा हा जिस्सलै तोड़ी एफएम प्रणव मुखर्जी होरें इस्सी समाप्त निं करी दित्ता. इस टैक्स दे मताबक बैंक दे हर लेन-देन (डेबिट जां क्रेडिट) उप्पर 0.1% दी दर कन्नै टैक्स लाया जाग.

2. अप्रत्यक्ष टैक्स:

परिभाशा दे अनुसार अप्रत्यक्ष कर ओह् कर न जेह् ड़े माल जां सेवाएं पर लाए जंदे न. एह् सीधे कर थमां बक्ख न कीजे एह् उस माह् नू उप्पर नेईं लाए जंदे न जेह् ड़ा एह् सीधे सरकार गी दिंदा ऐ, इसदे बजाय एह् उत्पादें पर लाए जंदे न ते इक बिचौलियें, उत्पाद बेचने आह् ले माह् नू आसेआ इकट्ठा कीता जंदा ऐ. अप्रत्यक्ष कर दे सबतूं आम उदाहरण अप्रत्यक्ष कर हो सकदे न वैट (मूल्य वर्धित कर), आयातित माल पर कर, बिक्री कर बगैरा. एह् कर सेवा जां उत्पाद दी कीमत च जोड़ियै लाए जंदे न जेह्दे कन्नै उत्पाद दी लागत गी बधाने दी प्रवृत्ति होंदी ऐ.

अप्रत्यक्ष टैक्स दियां मिसालां:

एह् किश सामान्य जनेह अप्रत्यक्ष टैक्स न जिंदा भुगतान तुस करदे ओ.

ए.) बिक्री कर:

जियां कि नांऽ थमां पता चलदा ऐ जे बिक्री कर ओह् कर ऐ जेड़ा कुसै बी चीज़ दी बिक्री उप्पर लाया जंदा ऐ. एह् समेआन नेहा होई सकदा ऐ जेड़ा भारत च बनाया जां आयात कीत्ता गेदा होए ते इत्थै तोड़ी जे दित्ती जाने आली सब्भनें सेवाएं गी बी कवर करी सकदा ऐ . एह् टैक्स उस व्यक्ति उप्पर लाया जंदा ऐ जेड़ा इस्सी उस व्यक्ति गी ट्रांस्फर करदा ऐ जेड़ा उत्पाद दी कीमत च जोड़े गेदे सेल्स टैक्स दे कन्नै उत्पाद खरीददा ऐ. इस टैक्स दी सीमा ऐ जे कुसै विशेश उत्पाद उप्पर एह् सिर्फ इक बारी गै लग्गी सकदा ऐ, एदा मतलब एह् ऐ जे उय्यै चीज दूई बारी बेचे जाने उप्पर ओह्दे पर सेल्स टैक्स नेईं लाया जाई सकदा ऐ.

मूल रूप कन्नै, मुल्खै दे सब्भनें राज्यें च अपना-अपना बिक्री कर कनून ऐ ते अपने स्हाब कन्नै टैक्स वसूल करदे न. एदे अलावा किश राज्य होर बाद्दू टैक्स बी लैंदे न जियां कि टर्नओवर टैक्स, खरीद टैक्स, लेन-देन टैक्स बगैरा. इय्यै कारण ऐ जे बिक्री कर बक्ख-बक्ख राज्य सरकारें लेई राजस्व किट्ठा करने दा सब्भनें शा बड्डा जरिया ऐ. कन्नै गै, एह् टैक्स केंद्री ते राज्य विधान दौनें तैह्त लाया जंदा ऐ.

बी) सेवा कर:

जियां भारत च बिकने आले समान दी कीमत च बिक्री कर जोड़ेआ जंदा ऐ, उयां गै भारत च दित्ती जाने आली सेवाएं च सर्विस टैक्स जोड़ेआ जंदा ऐ. बजट 2015 गी पढ़दे होई घोषणा कीत्ती गेई ही जे सेवा कर 12.36% थमां 14% तोड़ी बदाया जाग. एह् माल उप्पर नेईं सगुआं उनें कंपनियें उप्पर लागू होंदा ऐ जेड़ियां सेवां प्रदान करदियां न ते हर म्हीने जां त्रौऊं म्हीनें बाद, जियां कंपनियां सेवां प्रदान करदियां न दे आधार उप्पर, टैक्स किट्ठा कीत्ता जंदा ऐ . जेक्कर प्रतिष्ठान इक व्यक्तिगत सेवा प्रदाता ऐ तां सेवा कर दा भुगतान सिर्फ इक्कै बारी कीत्ता जंदा ऐ जिस्सलै गाह्क बिलें दा भुगतान करदा ऐ लेकिन कंपनियें लेई सेवा टैक्स उस्सै बेल्लै देय होेंदा ऐ जिस्सलै चालान भरेआ जंदा ऐ भाएं गाह्क बिल दा भगुतान जिस्सलै मर्जी करै.

ध्यानजोग ऐ जे रेस्तरां च रूट्टी, वेटर ते परिसर त्रौनें दा इक संयोजन होंदा ऐ ते एह् तय करना मुश्कल ऐ जे सर्विस टैक्स लेई केह् काबलियत ऐ. इस सरबंधै च कुसै बी अस्पष्टता गी दूर करने लेई एह् घोषणा कीत्ती गेई जे रेस्तरां च सर्विस टैक्स कुल बिल दे सिर्फ 40% उप्पर लाया जाग.

•  जीएसटी - माल ते सेवा टैक्स:

माल ते सेवा टैक्स (जीएसटी) भारत दे अप्रत्यक्ष टैक्स ढांचे च सब्भनें शा बड्डा सुधार ऐ जदूं थमां बजार ने 25 बरे पैह्ले खुलना शुरू कीत्ता हा. जीएसटी इक उपयोग आधारित टैक्स ऐ, कीजै एह् उत्थै लागू होंदा ऐ जित्थै खपत होंदी ऐ. सप्लाई चेन च उपभोग दे हर चरण च वैल्यू ऐडिड माल ते सेवाएं उप्पर जीएसटी लाया जंदा ऐ. चीजें ते सेवाएं दी खरीद उप्पर देय जीएसटी चीजें ते सेवाएं दी आपूर्ति उप्पर देय जीएसटी खलाफ बरतेआ जाई सकदा ऐ, बपारी लागू जीएसटी दर दा भुगतान करोग पर टैक्स दोआर तंत्र राहें ओह्दे पर वापस दावा करी सकदा ऐ.

सी) मूल्य वर्धित कर:

वैट, वाणिज्यिक कर दे रूप च बी जान्नेआ जंदा ऐ, उनें चीजें-बस्तें उप्पर लागू नेईं होंदा ऐ जिंदा मुल्ल सिफर ऐ (जियां. खाने दा समेआन ते जरूरी दोआइयां) जां ओह् जेड़े निर्यात तैह्त औंदे न. एह् टैक्स निर्माताएं, डीलरें ते वितरकें थमां लेइयै खीरी उपभोक्ता तोड़ी, सप्लाई चेन दे सब्भनें चरणें च लाया जंदा ऐ.

वैल्यू ऐडिड टैक्स ओह् टैक्स ऐ जेड़ा राज्य सरकार दे फैसले उप्पर लाया जंदा ऐ ते जदूं पैह्ली बारी इसी घोषित कीत्ता गेआ हा तां सब्भनें राज्यें इस्सी लागू नेईं कीत्ता हा. राज्य च बेचे जाने आले बक्ख-बक्ख समेआन उप्पर टैक्स लाया जंदा ऐ ते टैक्स दी रकम राज्य आस्सेआ गै तय कीत्ती जंदी ऐ. मिसाल दे तौर उप्पर गुजरात च सरकार ने सब्भनें चीजें गी बक्ख-बक्ख श्रेणियें च बंडी दित्ता जिनेंगी शेडयूल आक्खेआ जंदा ऐ. 3 शेडयूल न ते हर शेडयूल दा अपना वैट फीसद ऐ. 3 शेडयूल लेई 1% वैट ऐ, 2 शेडयूल लेई 5% वैट ऐ ते इय्यां गै. जिनें चीजें गी कुसै बी श्रेणी च नेईं रक्खेआ गेदा ऐ उंदे उप्पर 15% वैट ऐ.

डी.) कस्टम ड्यूटी & ऑक्ट्रोई:

जिस्सलै तुस किश बी खरीददे ओ जिस्सी दूए मुल्ख थमां आयात करने दी जरूरत होंदी ऐ, तां ओह्दे उप्पर इक टैक्स लाया जंदा ऐ ते ओह् ऐ सीमा शुल्क. एह् उनें सब्भनें चीजें उप्पर लागू होंदा ऐ जेड़े जिमीं, समुंदर जां ब्हा राहें औंदे न. इत्थै तक्कर कि तुस दूए मुल्खै थमां खरीदी कोई चीज़ भारत च आन्नदे ओ तां ओह्दे उपपर सीमा शुल्क लाया जाई सकदा ऐ. सीमा शुल्क लाने दा मकसद इस गल्लै गी यकीनी बनाना ऐ जे मुल्खै च दाखल होने आले सारे समेआन लेई टैक्स दा भुगतान कीत्ता गेदा ऐ ते ओह्दा मुल्ल चुकाया गेदा ऐ. जिस चाल्लीं सीमा शुल्क यकीनी बनांदा ऐ जे दूए मुल्खै शा आन्ने गेदे समेआन उप्पर टैक्स लाया गेदा ऐ आक्ट्रोई इस गल्लै गी पक्का करने लेई ऐ जे भारत दे अंदर राज्य दी सीमा पार करदे बेल्लै समेआन उप्पर बनदा टैक्स लाया जा. एह् राज्य सरकार आस्सेआ लाया जंदा ऐ ते उस्सै चाल्लीं कम्म करदा ऐ जियां सीमा शुल्क करदा ऐ.

ई) आबकारी शुल्क:

एह् इक नेहा टैक्स ऐ जेड़ा भारत च बनने जां पैदा होने आली सारियें चीजें-बस्तें उपपर लगदा ऐ. एह् सीमा शुल्क थमां अलग ऐ कीजै एह् सिर्फ भारत च बनने आली चीजें उप्पर लागू होंदा ऐ ते इस्सी केंद्रीय मूल्य वर्धित टैक्स जां सेनवैट दे तौर उप्पर बी जान्नेआ जंदा ऐ. एह् टैक्स सरकार माल दे निर्माता थमां वसूल करदी ऐ. एह् टैक्स उनें इकाइयें थमां बी किट्ठा कीत्ता जाई सकदा ऐ जेड़ियां बने दा माल हासल करदियां न ते माल गी निर्माता थमां अपने तोड़ी पुजाने लेई लोकें गी कम्म उप्पर लांदियां न.

केंद्र सरकार आस्सेआ निर्धारित केंद्रीय एक्साइज़ नियम एह् सुझाव दिंदा ऐ जे हर इक व्यक्ति जेड़ा कुसै बी “विनिर्मित समेआन“ दा उत्पादन जां निर्माण करदा ऐ, जां जो कोई गोदाम च इस चाल्लीं दे समेआन दा भंडारण करदा ऐ, गी नेह् समेआन उप्पर लागू टैक्स दा भुगतान करदा होग. इस नियम तैह्त कोई बी नेहा समेआन जेदे उप्पर टैक्स देय होऐ, बिजन ड्यूटी दे भुगतान दे, उत्पादन जां निर्माण आली थाह्र थमां दूई जगह लेने दी मंजूरी नेईं दित्ती जाग.