આલ્બર્ટ આઈન્સ્ટાઈન સાચા હતા જ્યારે તેમણે કહ્યું હતું કે-
"ભીડનું અનુસરણ કરનાર મહિલા સામાન્ય રીતે ભીડ કરતાં કદી આગળ જતી નથી . જે સ્ત્રીઓ પોતાના માર્ગ પર એકલી ચાલે છે તે પોતાની જાતને એવા સ્થાને લઈ જઈ શકે છે જ્યાં કોઈ અન્ય પહોંચી શક્યું નથી. "."
મહિલા ઉદ્યોગસાહસિકો આજની કોર્પોરેટ દુનિયાનો અભિન્ન ભાગ બની ગઈ છે. માત્ર એટલું જ નહીં તેઓ માતૃત્વ અને ઉદ્યોગસાહસિકતા બંનેના ફરજોને સમાન રીતે પૂર્ણ કરી શકે છે, પણ તેઓ માલિકીના તમામ વ્યવસાયોના અડધા ભાગનો સમાવેશ કરે છે. આજે, વધુ મહિલાઓ પરંપરાગત, જાતિ-વિશિષ્ટ ભૂમિકાઓથી મુક્ત થઈ ને વ્યવસાયની દુનિયામાં પ્રવેશી રહી છે. છેલ્લા દાયકામાં મહિલા ઉદ્યોગસાહસિકોની સંખ્યા તેમજ તેમની પહેલોની સફળતાના દર બંનેમાં ઝડપી વધારો થયો છે. દસ વર્ષ પહેલાં જે ઉદ્યોગિક ઇકોસિસ્ટમમાં લઘુમતી હતી તે મહિલાઓ આજે વિશ્વના કુલ ઉદ્યોગોમાં 37% હિસ્સો ધરાવે છે. તાજેતરના ગ્લોબલ એન્ટરપ્રેન્યોરશિપ મોનિટર એ શોધ્યું કે 126 મિલિયન મહિલાઓ વ્યવસાયો શરૂ કરી રહી છે અથવા ચલાવી રહી છે, અને 98 મિલિયન પહેલેથી સ્થાપિત(સાડા ત્રણ વર્ષથી વધુ) વ્યવસાયોનું સંચાલન કરી રહી છે. 224 મિલિયન મહિલાઓ વૈશ્વિક અર્થતંત્રને અસર કરે છે - અને આ સર્વેમાં 188 દેશોમાંથી વિશ્વ બેંક દ્વારા માન્યતા પ્રાપ્ત કરનાર 67 દેશો શામેલ છે.
ઉદ્યોગસાહસિકતાને આગળ વધારવા માટે મોટાભાગની વ્યવસાયી મહિલાની પ્રેરણા તેના કામ પ્રત્યેનો તેનો અતિશય જુસ્સો છે. મહિલા ઉદ્યોગસાહસિકો માટે પ્રેરણા નું બીજું પરિબળ એ નિયંત્રિત કરવાની ઇચ્છા છે. ઘણી સફળ મહિલા વ્યવસાય માલિકો તેમના પોતાના બોસ બનવાની અને તેમની પોતાની કંપની ચલાવવાની તકો દ્વારા પ્રેરિત થઈ છે, સંભવતઃ એવું ભવિષ્ય જો તેઓ કોઈ બીજા માટે કામ કરે તો ક્યારેય ન મળે. તેમનું પ્રાથમિક ધ્યેય નાણાંકીય પુરસ્કાર નથી પરંતુ વ્યક્તિગત સંતોષ અને સમુદાય સાથે સંડોવણી છે. ઘણી સફળ મહિલા ઉદ્યોગસાહસિકો શેર કરાયેલ બીજું પ્રેરણાદાયક ઘટક છે કે તેઓ હકીકતમાં મલ્ટિટાસ્ક કરવાની ક્ષમતા ધરાવે છે અને ગોલ-ઓરિએન્ટિડ એપ્રોચ સાથે ફેમિલી લાઈફ અને કરિયરને સંતુલિત કરવાનું વલણ રાખે છે.
મહિલાઓ હવે દરેક ક્ષેત્રમાં તેમના પુરૂષ સાથીઓ કરતાં આગળ વધી રહી છે. જ્યારે શિક્ષણની વાત આવે છે ત્યારે તમામ સફળ મહિલા ઉદ્યોગસાહસિકો પાસે ઉચ્ચ શિક્ષણની ડિગ્રી હોવી તે એક સમાન્ય અને સૌથી નોંધપાત્ર વિશિષ્ટતા છે. મહિલા ઉદ્યોગસાહસિકો વધારે સારા હેલ્થ કેર બેનિફિટ પૅકેજો, નોકરી દરમ્યાન તાલીમ અને શિક્ષણ, વિદ્યાર્થીઓ માટે વધુ ટ્યુશન ખર્ચ અને કર્મચારીઓને સતત શિક્ષણ અને તેમના કર્મચારીઓને વધુ વેકેશન અને પેઇડ લીવ જેવી સવલતો અને વિકલ્પો પ્રદાન કરે છે, આમ તે કંપનીને સમૃદ્ધિ તરફ દોરી જાય છે.
મહિલા ઉદ્યોગસાહસિકો પોતાને સમૂહો અથવા સંઘોમાં જોડી રહી છે. આ વલણ પાછળનું એક કારણ એક મજબૂત મહિલા વ્યવસાય નેટવર્ક્સ સ્થાપિત કરવાની ઇચ્છા છે, જ્યાં સભ્યો સામૂહિક રૂપે સંસાધનો અને કુશળતાને એકસાથે વાપરી શકે છે. ઉપરાંત, સરકારી યોજનાઓ અને અસંખ્ય મહિલા ઉદ્યોગસાહસિકતા સંગઠનો જેમ કે ફેડરેશન ઑફ ઇન્ડિયન વુમન એન્ટ્રેપ્રેનયોર વગેરે એ ઉદ્યોગસાહસિકોને આગળ વધવા માટે પ્રોત્સાહન અને સંસાધનોની મદદ આપીને મહત્ત્વપૂર્ણ ભૂમિકા ભજવી છે. તે કોઈ સંયોગ નથી કે ઉચ્ચ સાક્ષરતા દરવાળા રાજ્યોમાં મહિલા-ઉદ્યોગસાહસિકોની સંખ્યા વધારે છે. હકીકતમાં, ચાર દક્ષિણી રાજ્યો અને મહારાષ્ટ્રની મહિલા-સાહસિકો સમગ્ર ભારતમાં મહિલાઓની આગેવાની હેઠળ કાર્યરત નાના પાયાના ઔદ્યોગિક એકમોનું 50% થી વધુ ભાગ ધરાવે છે.
મહિલા ઉદ્યોગસાહસિકતા અને મહિલા બિઝનેસ નેટવર્ક્સનું ગઠન સતત વધી રહ્યું છે, તેમ છતાં ઘણી સંભવિત મહિલા ઉદ્યોગસાહસિકો હજુ પણ તેમના મહાન બિઝનેસ આઈડિયાને પાર પાડી શકી નથી. ઘણી સંભવિત મહિલા ઉદ્યોગસાહસિકો તેમના સ્ટાર્ટ-અપ સાથે સંકળાયેલા ઋણોથી ડરી શકે છે. ઇન્ફોર્મેશન ટેકનોલોજી અને બિઝનેસ સ્કિલ્સ વિશે તેમના જ્ઞાનનો અભાવ એ તેમનો બીજો પડકાર હોઈ શકે છે.
મહિલા ઉદ્યોગસાહસિકોના રસ્તે ઘણી સમસ્યાઓ હોવા છતાં નજીકના ભવિષ્યમાં તેમના માટે ઘણી આશાસ્પદ આગાહીઓ છે. જોકે ઘણા સફળ ધંધાકીય સાહસો આઈટી- સંબંધિત છે, ત્યાં હજુ ઘણા સમૃદ્ધ ઉદ્યોગો છે જે અસ્તિત્વ ધરાવે છે અને વધુ વિકસિત થઈ રહ્યાં છે. અનુભવ હંમેશા એક ફાયદો છે; જો કે, કોઈને માત્ર તેમના ઉદ્યોગ, તેમના ગ્રાહક આધાર અને સ્પર્ધકો પર પૂરતું સંશોધન કરવું પડશે અને તે ઉદ્યોગસાહસિકો સાથે વાત કરવી પડશે જેમણે પહેલેથી જ પ્રક્રિયામાંથી પસાર થઈ ગયા છે. આ ઉપરાંત, મહિલા સહયોગીઓમાં આવા ઘણા ગઠબંધનોની રચના કરવામાં આવશે, જે વ્યવસાયિક દુનિયામાં વિકસિત થવાં માટે મહિલા વ્યવસાય નેટવર્ક્સની સ્થાપનાને સક્ષમ બનાવશે.
ઉદ્યોગસાહસિકતા એ એક શીખવાનો અનુભવ છે અને સૌથી સફળ બિઝનેસ માલિકોને પણ તેમની કંપનીના વિકાસ દરમ્યાન નવી વસ્તુઓ શીખવાની તક મળે છે. ઉદ્યોગ સાહસિકતા વિકાસ, સમૃદ્ધિ અને સામાજિક સમસ્યાઓનું નિરાકરણ કરે છે. અને આજની વલણો બતાવે છે કે ભવિષ્યમાં મહિલાઓ ઉદ્યોગસાહસિકતાના વિકાસની પ્રેરક શક્તિ બનશે.
ટ્વીટર પર શેર કરો
